Dawa buh ophis tnad kam khlaw ka JSU ha Khliehriat

Syllad | The Rising MeghalayaOctober 24, 2021

Ka Jaintia Students’ Union (JSU)- Khliehriat Circle bad ka JSU-Southern Border Zone kala dawa ban buh iaka ophis ba pura ka tnad kam khlaw ha Khliehriat kaba dei ka district headquarter jong ka East Jaintia Hills District ban pynsuk iaki paidbah kiba donkam ia kane ka ophis.

 Ka JSU kala ong ba ka East Jaintia Hills District kala donkam kyrkieh ia kane ka ophis namar ba ki paidbah ba iadei kam bad kane ka ophis ki hap ban beh sha Jowai ban pyndep ia kino kino ki kam khamtam ha kaba iadei bad ki kam khaii mawshun bad kiwei kiwei bad kumjuh ban ban apply ia ki mining licence.

Ka jingbym kane ka ophis ha East Jaintia Hills kala pynlong iaki briew ban leit mih bunsien bunsien ia kawei ka kam sha Jowai, kaba ktah iaka bai leit bai wan kumta ka JSU kala kyntu ia ka sorkar ban pynjan ia kane ka ophis ha Khliehriat ba suk u paidbah.