Dawa jingtohkit SIT ka HANM, yn iaid paidbah ban pyrshah pyniap khynnah skul ha East Jaintia Hills

Syllad | The Rising MeghalayaMarch 17, 2021

Ka Hynniewtrep Achik National Movement (HANM), East Jaintia Hills District kan pynlong iaka jingiaid rally haka 22 tarik une u bnai, haka por 11 baje mynstep ha East Jaintia Hills District, Khliehriat.

Kane ka jingiaid paidbah kan sdang naduh Dkhiah bad pynkut ha phyllaw ophis u DC Khliehriat.

“Kane ka jingiaid paidbah kalong kum ka dak ban pynpaw ka jingpyrshah iaka jingshah pyniap ki ar ngut ki khynnah skul,” la ong u Comingsoon Dkhar president HANM East Jaintia Hills District.

Ula ong ruh ba ka HANM kala dawa naka sorkar dei ban thung da ka Special Investigation Team (SIT) ban tohkit bniah halor ka jingshah pyniap ki khynnah skul ha East Jaintia Hills District.