Dawa JSM ban thung kam biang ïaka nongtrei Aganwadi
JOWAI: Ka Jaiñtia Students’ Movement (JSM) kala ai da ka dorkhat sha u Myntri ka tnad Social Welfare Department jong ka sorkar jylla u Ma Kyrmen Shylla ban pynpaw ka jingpyrshah kaba jur halor ka jingweng kam ïa kawei ka longkmie na Nongbareh Rim, West Jaintia Hills District kum ka nongiarap jong ka Aganwadi tang namar ba kam don Aadhar Card.
Ka JSM kala dawa na u Myntri ka Social Welfare ban pyndam ïa ka hukum jong ka CDPO, ICDS Project Amlarem, West Jaiñtia Hills District bad ban pynsangeh mardor ïaka jing khot interview kaba la thmu ban khot haka 17 tarik une u bnai.
![](https://www.syllad.com/wp-content/uploads/2024/09/JIT-Vacancy-823x1024.avif)
Kila dawa na u Myntri Social Welfare ba u dei ban ïakren bad ka sorkar ban pynlait ïaki nongtrei bad nongiarap haki Aganwadi ba kin lait ban ai number Aadhar ha kaban trei ha ki Aganwadi.
Ka JSM kala byrthen ba lada ym pyndam ia ka jingkhot interview bad thung biang iaka kong Mercy Lamin Amdep kaba na Nongbareh Rim kin pynlong ïaka jingiakhih paidbah.
Leave a Reply