Dawa jurip ki ar seng iaki mawser ki dukan ba suba leh thok iaki nongthied nongpet ha iew Ladrymbai

Syllad | The Rising MeghalayaDecember 3, 2021

Ki ar tylli ki seng ka JYF bad ka EJYM kila dawa na u Inspector ka Legal Metrology, East Jaintia Hills ban jurip iaki dukan kiba die mar marbam namar ba ki suba jur ba ka don ka jingduna ne ot kilo iaki mar bam ha iew Ladrymbai.

Kine ki ar seng kila ai da ka shithi sha u Inspector ka tnad Legal Metrology hadien ba kila ioh iaka jingujor ba kiba bun ki nongthied nongpet kiba la shah shimkabu ha ki nongdie dukan haba thied iaki marbam na ki dukan die marbam kynthup iaki jhur ki jhep ha katei ka iew.

Kine ki ar seng kila ong ba kane ka ktah iaka hok ki nongthied nongpet bad dawa naka tnad Legal Metrology ban jurip ia ki mawser bad ban pynshitom ia kiba leh khliehshrieh iaki nongthied nongpet.