Dawa ka FTCCM ban plie iaka khaii pateng bad ka Bangladesh

Syllad | The Rising MeghalayaJune 28, 2021

Ki nongkhaii bar ri hapoh ka lama jong ka Foreign Trade Chamber of Commerce Meghalaya (FTCCM) kila dawa na ka bor synshar district ban plie noh iaka khaii pateng bad ka ri Bangladesh lyngba ka kad khaii Tamabil.

Ka FTCCM kala wan ban iakynduh ia u Deputy Commissioner, West Jaintia Hills District, Garod LSN Dykes haka sngi Nyngkong ban kyntu ia u ban plie iaka khaii pateng bad ka ri Bangladesh khnang ban ioh biang ki paidbah ka thain khappud bad ki nongkhaii ban kamai kajih.

“Naduh kiba khaii ha ki kam barit haduh ki nongkhaii bar ri ngi la im hapdeng ka jingkyrduh naduh bala khangdam COVID-19, kumta ngi la kyntu ia u Deputy Commissioner ban plie iaka khaii pateng bad ka ri Bangladesh khnang ba ki paidbah kiba im jakpoh na katei ka jaka kin ioh ban kamai kajih,” la ong u Richard Pohlong president ka FTCCM.

Na kaliang u DC ula kyntu ia ka FTCCM ban ap tad haduh ka 3 tarik u Naitung bad ban peit iaka jinglong jingman ka jingiabit jingpang khlam COVID-19 haka district.

Ka FTCCM kala kyntu ia baroh ki nongkhaii bar ri bad ki nongtrei, ki nongniah trok ban ai tika COVID ban iada n aka jingpang khlam.

Shuh shuh ka Meghalaya International Exporters Chamber of Commerce (MIECC) kala kyntu iaka sorkar ban plie iaka khaii bar ri bad ka Bangladesh khnang ba kin lah ban bteng biang iaka lad kamai jakpoh jong ki.