Dawa ka JSU ban shna iaka surok Borkhat Muktapur Amlarem uba pyniasoh ia bun tylli ki shnong ha East bad West Jaintia Hills

Syllad | The Rising MeghalayaJuly 8, 2021

Ka Jaintia Student Union (JSU), War Jaintia Circle kala dawa naka sorkar ban shna ïaka surok ba pynïasoh ïaka shnong Borkhat, Muktapur Amlarem bad Dawki bad shaduh Lad Rymbai kaba la sniew tasam ha baroh shi lynter jong ka.

Kane ka surok kadei kaba la shu ieh khlem shna la bun bun snem bad mynta wat ka surok rong kaba la don ruh kala kylla surok maw bad don ki bynta kala dap da ki thliew ki syar bad ka ktieh.

Kane ka surok ka don haka bynta khappud India Bangladesh bad ka dei ka surok kaba kongsan ia bun bun tylli ki shnong naduh Amlarem, Muktapur, Dawki, Kharkhana bad kiwei kiwei kiba hap ha West Jaintia Hills bad sha Borkhat, Natbor shaduh sha Ladrymbai kiba hap sha East Jaintia Hills District.

Also Read: Pyut ki mar rep ba twa khyndew bad shlei um ka surok ha khappud India Bangladesh

“Kiba bun ki shnong kiba hap iaid lyngba kane ka surok, hynrei ki hap ban im haka jingim kaba syrtok naba sniew palat ka surok bad ki shem jingeh ban pynpoi iaki marrep mariang bad kiwei kiwei ki mar sha ki iew ki hat bad khamtam haka pang ka shitom,” la ong Eddy Kery Pohtam, President ka JSU War Jaintia Circle.

Ka JSU ka la kyrpad ïaka ka sorkar ban shimkhia khamtam ia u MLA ka thain ban shna noh ia ka surok bad ban shna da ka jingkieng kaba paka hashuwa ban poi ka shnong Kharkhana kaba buh jingma iaka iaid ka ieng ki kali bad paidbah haka aiom slap namar ka um ka kiew sha surok haka por lyuir.