Dawa ka JSU-SBA ban maramot mardor ia ka bynta jong ka surok Borghat

Syllad | The Rising MeghalayaAugust 26, 2024

Ka Jaintia Students Union (JSU) Southern Border Area ha ryngkat ki nongshong shnong ka thain Borghat, East Jaintia Hills District ki la pynpaw ka jingsngewkhia kaba jur ia ka jingleh bym suitniew jong ki bor sorkar ba dei khmih halor ka jingbym lah ban maramot bad siang rong ia ka bynta jong ka surok hapoh ka thain kaba la wanrah shibun ki jingeh ia ki paidbah nongleit nongwan.

Ki la ong ba ka bynta jong kane ka juh ka surok dang shen la lah ban siang rong, hynrei kim lah sngewthuh balei la shu iehnoh tang ia kane ka shibynta jong ka surok.

Ki la pynpaw ruh ba kane ka project kaba ha ka kyrteng Rehabilitation of Damage Pavement Including MBT of RBBJ Road ka dei kaba la mang haduh T.23 klur na ka bynta ban siang rong da kane ka sorkar, ha kaba la sdang ruh naduh ka shnong Rymbai tang haduh ka shnong Lakadong kaba la pynshaiong ngain ia ki nongshong shnong jong ka thain Borghat.

“Ka jingsniew palat pud jong ka surok ym tang ba ka la pynthut ia ka leit ka wan hynrei ka buh ruh ka jingma kaba khraw ia ka jingim briew. Ngi la sakhi ia kiba buntylli ki jingjia tyngkhuh bad kylla kali namar ka jingsniew palat ka surok, bad ngi sngewkhia ia ka jingshngain lada ym lah ban maramot bad siang rong noh mardor,” ong u kyrwoh lyngba u Bah Super Lyngdoh bad Teimon Suchen President bad General Secy ka JSU – SBA.

“Ki surok ki dei ki jingdon jingem jong u paidbah, bad ki dei ban long kiba shngain na ka bynta baroh. Ka Seng ka khot ka wer ia ki nongshong shnong ba kin ai ka jingiatreilang na ka bynta ban pynbor ia ka sorkar Jylla ba ka dei ban pynkloi ban pynbha noh ia kane ka surok.”