Dawa ka JYF bad EJYM ban buh kor ATM ha Ladrymbai Dongwah

Syllad | The Rising MeghalayaNovember 27, 2021

Ka Jaintia Youth Federation (JYF) Ladrymbai Unit bad ka East Jaintia Youth Movement (EJYM) Central Body kila dawa State Bank of India (SBI), Ladrymbai Branch ban buh kor ATM ha Ladrymbai Dongwah khnang ban pynsuk ïaki paidbah haba sei pisa.

Kine ki ar seng kila ai iaka shithi sha kane ka SBI Ladrymbai Branch haka sngi Thohdieng.

Kine paidbah kiba donkam pisa kyrkieh ki shem jingeh kaba khraw ban sei pisa namar ba don tang kawei ka kor ATM kaba don ha syndah ka SBI Ladrymbai, la ong kine ki ar seng.

Kumta kine ki arseng ki la dawa ban buh noh sa kawei ka kor ATM ha Ladrymbai Dongwah bad la ai por ban buh hapoh 3 bnai.