Dawa ka KSU ban kem mardor ia u briew ba lehbein bad thmu pyniap iala ka lok na Thangbuli

Syllad | The Rising MeghalayaOctober 1, 2020

Ka Khasi Students’ Union (KSU) War Jaintia Circle kala dawa naka bor jong ka aiñ ban kem mardor ia uwei u briew ba kyrteng u Timun Surong uba u shah kynnoh donkti ban lehbeiñ bad thmu pyniap iala ka jong ka lok haka shnong Thangbuli, Amlarem Sub Division.

Ka KSU kala iathuh ba une u briew u tan jubor ia ka lok na Amlarem bad ula kit ia ka da ka kali ha kata ka por ula shoh la bom ia ka haduh ba ka la mynsaw jur ka met ka phad jong ka. La kynnoh ba ula maham ruh ban pom da ka wait na ka ryndang jong ka.

Kane ka jingjia kala jia haka 29 tarik September (Nailur) bad halor kane ka jingjia kiba haiing kila dep ruh ban mudui iaka jingujor ejahar hakhmat ki Pulit Amlarem.

Haduh bala thoh ia kane ka khubor u Lurman B Talang general secretary KSU War Jaintia Circle kila  pynpaw ba ki pulit kim pat kem satia ia u Timun bad la dawa ban kem mardor ia une u briew bad ban pynshitom katkum ki kyndon jong ka aiñ.

La iathuh shuh shuh ba kila dep ban register iaka case.