Dawa ka KSU ban shna noh iaka surok Lapangap Barato

Syllad | The Rising MeghalayaNovember 13, 2020

Ka Khasi Students’ Union Lapangap Unit kala dawa n aka tnad PWD North Division bad ka bor ssynshar district ban shna noh iaka surok kaba pyniasoh iaka shnong Lapangap Barato.

Ka KSU Lapangap kala ai da ka dorkhat sha u EE PWD North Jowai Division haka 11 tarik une u bnai ban sdang noh ban pyntrei ia kane ka surok na Lapangap sha Barato namar kadei por ba biang bha ban pyntrei ia u surok khamtam ha kine ki bnai ba rang slap khlem da buhteng ban suk ka iaid ka ieng u paidbah ka thain khappud.

Kane ka surok Lapangap Barato kadei ka surok ban pyniasoh ruh ia kiwei ki shnong  ba kynthup iaka Shebnai,Sanaro bad Namdong.

Ka KSU kala pynsngew ruh ia kane sha u Deputy Commissioner ka West Jaintia Hills u Ma Garod LSN Dykes ban kyrpad ban pyntrei ia kane ka surok naka skhim PMGSY.

Ka KSU kala iakynduh ia u DC hapoh ka jingialam u Augustan Timung president KSU Lapangap bad general secretary u Saikel Sumer, u C War General Secretary KSU Nartiang Circle, u H. Maskut President KSU Nartiang Circle bad kiwei kiwei.