Dawa ka KSU ban weng iaki kyrteng bar jylla ba kam trai shnong Moolamanoh ban ïoh Aadhaar Card

Syllad | The Rising MeghalayaOctober 12, 2021

Ka Khasi Student Union (KSU) Wapung Unit haka sngi ba ar kala ujor sha u Deputy Commissioner, East Jaiñtia Hills ban dawa na u ban weng iaka kyrteng ki bar jylla kiba pynrung kyrteng Aadhaar kum ki nongshong shnong ka Moolamanoh.

Ka KSU Wapung haka jingialam u Deiniwan Lyngdoh president bad u Shwari Ryngkhlem general secretary hadien ba kila ioh jingujor na ki paidbah nongshong shnong ba don ki bym dei trai shnong ne ki trai jylla kiba ioh ban pynrung kyrteng Aadhaar bad ai jaka shong jaka sah ha Moolamanoh mar mar kila leit ujor sha u DC ban dawa ban pyndam mardor ia ka kyrteng jong kine ki bar jylla.synrang lang da u shri Shaniahskhem Dkhar organising secretary jong ka KSU khliehriat circle ki la leit

Ka KSU kala pynrem ruh ïa u waheh shnong Moolamanoh bad kynnoh ba dei ma u bala ai jingmynjur ïaki bar jylla kat haduh ba ki bar jylla kin ïoh ban pyndonkam bakla ïaka kyrteng jong ka shnong Moolamanoh haka jingpynrung kyrteng Aadhaar card. Ka KSU kala banjur ia kiwei ki waheh shnong ba kim dei ban ai kino kino ki syrnod iaki bar jylla khnang ban khanglad iaka jingthmu wan buhai shnong jong ki ha kino kino ki shnong ha ka jylla.