Dawa ka MVSA ban pan map da ka jingthoh na ki BSF halor ka kam riewkhlaw
Ka synjuk Meghalaya Veterinary Services Association (MVSA) Apex Body, kala dawa pan map da ka jingthoh na ki Border Security Force (BSF) halor ka kam leh riewkhlaw bad maham siat iap ia u dkhot jong ki, u Dr Seiboklang Buam da ki BSF haka 11 tarik Rymphang.
Ia kane ka rai ka synjuk MVSA kala shim haka jingialang kaba kyrkieh jong ka Central Executive Committee kaba long haka 12 tarik Rymphang.
![](https://www.syllad.com/wp-content/uploads/2024/09/JIT-Vacancy-823x1024.avif)
Ka synjuk MVSA kala pynrem jur ia kane ka kam leh riewkhlaw ki shipai BSF, kynthup ia u Rajender Kumar lem bad u wei pat u shipai pyrshah ia u dkhot jong ka seng u Dr. Seiboklang Buam uba dei u ophisar jong ka Tnat AH & Veterinary ka Muktapur Veterinary Dispensary, Amlarem Sub-Division kaba la jia ha ka 11 tarik mynta u bnai ha Lakroh Shiv Mandir, Hawai Tilla, West Jaintia Hills District.
Na ka liang u President bad Genl Secretary ka MVSA, Shillong ki la pynpaw ruh ba na ka liang ka Seng ka la shimkhia ha kaba iadei bad kane ka jingshah thombor jong u para dkhot ha kitei ki arngut ki shipai BSF, kata ka jingjia ba la sakhi ruh lyngba ki lad pathai khubor.
Ka Seng ka la rai ruh ban pynpaw ia kane ka jingjia kaba sngewkhia jur sha ki bor ba halor jong ka tnat BSF, Meghalaya Frontier Headquarter kaba la ktah jur ia ka jingsngew jong une u para dkhot.
Ha kajuh ka por ka Seng ka la dawa ruh ban pan map mardor lyngba ka jingthoh lyngba ki bor shipai BSF kiba dei khmih ha ryngkat ka jingpynthikna ba kum kine ki kam thombor bad ki kam riewkhlaw kin ym wan jia shuh hadien habud.
Leave a Reply