Dawa ki 7 seng na u Kyrmen Shylla ban pynsangeh iaka jingkynriah kam ia u DC East Jaintia Hills

Syllad | The Rising MeghalayaNovember 18, 2021

Ki 7 tylli ki sengbhalang kynthup iaka KSU, JSM, JSU, EJNC, FKJGP, HANM bad HNYF kila dawa na u MLA Khliehriat uba long ruh u Myntri Sorkar u ma Kyrmen Shylla ban dawa pynsangeh shuwa iaka jingpynkynriah kam ia u Deputy Commissioner, East Jaintia Hills District u Bah Ethelbert Kharmalki.

Ha kane ka jingiakynduh kine ki nongialam sengbhalang ia u Kyrmen Shylla haka sngi Palei kila ai da ka dorkhat ban dawa pynsangeh iaka jingkynriah kam ia u DC. Kine ki 7 seng kila ai por haduh ka sngi Nyngkong bad lada ka sorkar ka iaid shakhmat ban pynkynriah kin pynlong da ka jingiakhih paidbah.

Katkum ka dorkhat kaba kila ai sha u ma Kyrmen, la ong ba u Bah Kharmalki ula shimti iaka kam ha u bnai Nailur (September) 2020 bad ula lah ban wanrah iaka jngshynshar khaddar kaba don jingiajanbad ka bor synshar district bad u paidbah khamtam ki nongialam shnong.

Kum u DC ula jop ban pyntreikam ia kiba bun ki skhim sorkar kynthup iaka COVID-19 vaccination.

Kine ki 7 seng kila ban ba ka samoi treikam jong u ruh kam pat kut bad une u DC u don ka thong ban wanrah iaki kam pynroi haka district ha ki bnai ban wan, kumta ka sorkar kam dei ban leh kyrkieh ban kynriah ia u na ka kam DC.

Kine ki 7 seng kila dawa na u Kyrmen ba u dei ban tuklar ia kane ka bad ban iakren bad u Myntri Rangbah bad ban pynsangeh mardor iaka jingthmu ban kynriah na ka kam DC, East Jaintia Hills District..