Dawa Police Out Post ka Dorbar Shnong Mukroh na u MLA

Syllad | The Rising MeghalayaJune 17, 2019

JOWAI: Ka Dorbar Shnong jong ka Shnong Mukroh, West Jaiñtia Hills District hapoh ka jingialam u Waheh Shnong Hamboi Sumer haka 14 tarik une u bnai ha ryngkat ka jingsynran lang jong ki nongialam Shnong ki la leit ban ia kynduh ia u MLA ka Mowkaiaw U Ma Nujorki Sungoh hapoh ka kamra treikam jong u bad kila ai ka dorkhat na ka bynta ban dawa ban buh buh iaka Police Out Post hapoh ka shnong Mukroh.

Ha kane Ka jingiakynduh ia u MLA na kaliang ka Dorbar Shnong Mukroh daka mynsiem jongka jingsngewkhia kala banjur hakhmat jong u MLA ba la kumno kumno ka Sorkar ka dei ban buh beit iaka police out post hapoh ka shnong Mukroh khnang ba ki nongshongshnong bad ki shnong ba marjan kiba hap ha khappud Assam Meghalaya kin ioh ia ki lad jingiada nalor ban iada ia u pud u sam ka jylla.

Shuh shuh na ka liang ka Dorbar Shnong haka jing pyllait khubor jong ka lyngba u Waheh Shnong u la ong shuh ba ka shnong Mukroh ka dei kawei naki shnong kaba don ha khappud bad ka Disrtict West Karbi Anglong, Assam bad kumta kadei kawei na ki kynroh bah ha kaban iada na u pud u sam ka jylla jongngi, hynrei kaba sngew sih kalong ba ka dei ka chnong ka ba juh shah pyndik ha kiwei pat ki jait bynriew naka por sha kapor. Ha kajuh ka por u Waheh Shnong u la bynrap shuh shuh ba ka jingdawa ban buh iaka police out post hapoh ka shnong Mukroh kam dei shuh kaba thymmai hynrei naka por sha ka por bad mynta ka por kala ih ban buh iaka police out post hapoh ka shnong Mukroh.

Ha ka jingiakynduh bad u MLA na ka liang jong u ula kular ban iakren bad kibor kiba halor ha kaba iadei bad kane ka bynta, bad na ka liang ka Dorbar Shong ka kyrmen skhem ba lyngba ka jingtrei shitom u MLA kane ka jingthmu kan urlong khnang kan long ka jingiada iaki paid nongshong shnong bad ia ki shnong kiba para marjan.