Dawa pynbeit u CEM ka KHADC ba mih ka kyrteng ki bar jylla ha ka Electoral Roll

Syllad | The Rising MeghalayaFebruary 12, 2025

U Chief Executive Member (CEM) ka Khasi Hills Autonomous District Council (KHADC), u Bah Pyniaid Sing Syiem ha ka 11 tarik Rymphang u la dawa ban pynbeit thymmai ia ka electoral roll jong kane ka elekshon ADC namar ka jingshem ia ka kyrteng jong ki nongthep vote bar jylla bad ki bym dei ki Khasi.

Ha ka shithi sha ka Deputy Commissioner ka East Khasi Hills District, ka Kong RM Kurbah, u Bah Pyniaid u la ong ba ka long kaba donkam ban pynbeit thymmai ia ka electoral roll na ka bynta ka elekshon ADC ka ban wan hapoh ka District.

“Katba ngi dang pynkhreh ia ka elekshon, ka long kaba kongsan ba ka electoral roll kan pyni ia ki jingtip kiba dei biang jong baroh ki nongthep vote hapoh ka District. Da kaba burom nga kyrpad ia phi ban pynbeit biang ia ka electoral roll kaba mynta namar ki don ki nongthep vote kiba dei ki bar jylla bad bym dei Khasi kiba mih kyrteng ha ka electoral roll. Kane ka jingpynbeit kan iarap ban wanrah ia ka elekshon kaba khuid ba suba,” u la ong.

“Nga kyrpad ia phi ban shimkhia ia kane ka kam bad ban shim ia ki sienjam ban pynbeit kloi ia kane ka kam, kata da kaba phai sha ka jingkongsan jong ka thup kyrteng kaba beit jong ki nongthep vote khnang ban lah ban pynlong ia ka elekshon kaba jop,” bynrap u Bah Pyniaid ha ka shithi.

U Bah Pyniaid uba dei u MDC ba mynta ka Sohryngkham u la iakhun kum u kyrtong ka NPP na Nongthymmai constituency.