Dawa pyndam ka MPUF iaka lai tylli ki kharkhana sain rnga dewiong ha Elaka Rymbai & Sutnga

Syllad | The Rising MeghalayaJuly 15, 2020

Ka Meghalaya People United Front-East Jaintia Hills District (MPUF-EJHD) kala dawa na ka Jaintia Hills Autonomous District Council (JHADC) ban pyndam ia ka NOC ki lai tylli ki kharkhana sain rnga dewiong ha Elaka Rymbai bad Sutnga ha East Jaintia Hills District.

U Michal Chyrmang ula ong ba ka jingwan kine ki kharkhana sain rang dewiong kan nym wanrah kano kano ka jingmyntoi, hynrei tang ka jingpynjaboh iaka sawdong sawkun ka mariang.

Kine ki kharkhana ki don 2 tylli sha ka tahin Soo Kilo ba kawei ha Wah Deinling, Elaka Rymbai

Dangshen ka ki paidbah jong ka Elaka Rymbai na ka shnong Umsatai, Ladwahwapung, Deinsatlang, Pynurkba bad ki sengbhalang ba kynthup iaka SBYWA, JSM, JYF bad ka NEIF kila thaw da ka JAF ban pyrshah iaka kharkhana sain rnga dewiong ha ha Wah Deinling, Elaka Rymbai.

Ai NOC ka JHADC ban sain rnga dewiong, u MDC ka thain um don jingtip ong ka SBYWA bad ka JYF

U Nongialam ka MPUF Michal Chyrmang ula ong “Kine ki kharkhna sain rnga dewiong kim nym lah ban wanrah jingmyntoi iaka konsil ne ka sorkar, hynrei kin shu pynjulor iaka mariang bad ki um ki wah. Ngi dawa na ka district konsil ban pyndam mardor iaki NOC jong kine ki kharkhana sain rnga dewiong ban iada iaka mariang.”

Mih ka JAF ban iakhun pyndam iaka kharkhana sain rnga dewiong ha Elaka Rymbai

Ula ai nuksa ruh iaki 9 tylli ki kharkhana dewbilat ha East Jaintia Hills kiba wat ka konsil ruh kam ioh jingmyntoi bad haba iadei bad ki lad iohkam iohjam ki paid nongshong shnong ka thain kam long katkum ka jingkiakut bad ki kharkhana bad kiba bun ki kam la trei da ki bar jylla.