Dawa pynkhlain pahara ka VPP ha ki 67 tylli ki jaka thep vote ba don jingma ha Rilum Jaintia

Syllad | The Rising MeghalayaFebruary 18, 2025

Ban khanglad iaka jingthombor iaka jaka thep vote da kaba leh thok, leh donbor sha ka elekshon MDC jong ka Jaintia Hills Autonomous District Council (JHADC), ka Voice of the People Party (VPP) kala dawa naki District Election Officer, ka East Jaintia Hills bad West Jaintia Hills ban pynkhlain ia ka iaki bor pahara ha ki jaka thep vote.

Ka Voice of the People Party (VPP) haka 17 tarik Rymphang ka la aiti ia ka thup kyrteng jong ki 67 tylli ki jaka thep vote ne polling kiba don jingma bad kiba kham jur ka jingdon jingma ha ki 17 tylli ki constituency ha Rilum Jaintia ki ban leit sha ka elekshon Jaintia Hills Autonomous District Council (JHADC) ka ban long ha ka 21 tarik Rymphang.

Ha kawei pat ka shithi ba la phah sha ki District Election Officers (DEOs) jong ka East Jaintia Hills bad West Jaintia Hills District, u General Secretary ka VPP bad MP ka Shillong u Dr Ricky AJ Syngkon u la ong, “Katkum ki jingtip ba nga la ioh pdiang ki polling station bad ki constituency jong ki kiba la pynpaw hangne la shim ba ki dei kiba don jingma.”

“Na ka bynta ka jingiaid beit ha ka jingpynlong ia ka elekshon kaba dei ka bynta kaba kongsan na ka bynta ka synshar paidbah kaba lah ban treikam bha, nga kyntu ia phi ban pynbiang ia ki bor pahara khnang ban khanglad ia kino kino ki jingpyrshang ban pynthut ia ka jingiaid beit ha ka jingpynlong ia ka jingiathep vote kaba khuid da ki paidbah nongthep vote bad ban khanglad ia kino kino ki jingpyrshang leh thok ne ki kam leh donbor kiba lah ban pynthut ia kane ka jingjied ia ki nongmihkhmat,” u la ong.

Ka VPP ka la aiti ia ka thup jong ki 21 tylli ki jaka thep vote kiba don jingma ha ki 7 tylli ki constituency ha East Jaintia Hills. Katba ha West Jaintia Hills 10 tylli ki constituency, ka Shangpung Constituency kaba don 12 tylli ki jaka kiba jur ka jingma (Highly Sensitive), bad 9 9 constituency kum kiba ma (senstive).

Kine ki long laitylli, ha Bataw – A (shynrang), Bataw – B (kynthei) and Lakadong Ummat ha  Bawtaw-Lakadong constituency.

Hynriew ha Tuber Wapungshnong, ha Wapung Shnong A (shynrang), Wapung Shnong B (kynthei), Tuber Sohshrieh, Pynthorsale, Mukhaialong A (shynrang) Mukhaialong B (kynthei).

Lai ha Wapungskur, Moolamanoh, Moolamanoh ha Musniang Rangad.

Saw – Tluh, Byndihati A, B & C, Larseng, Umtyra ha Sutnga-Nongkhlieh constituency, San – Sonapyrdi bad Ratacherra A & B ha Narpuh constituency, kawei – Jalaphet Sumer baroh A&B ha Sumer constituency, Lai – Jalaphet Sutnga (shynrang), Jalaphet Sutnga (kyllum), Jalaphet Sutnga (kynthei) ha Sutnga-Narwan constituency bad Kawei – Khliehriat East village ha Rymbai-Khliehriat constituency.

Ka list jong ki 34 tylli kiwei pat ki polling station kiba don jingmar ha ki 9 tylli ki constituency ha West Jaintia Hills ki kynthup – Santylli – Mukhla A (shynrang), Mukhla B, Mukhla Mission, Mukhla Sohshrieh, Umalngshor ha Mukhla Ummulong constituency,

Khyndai – Wahiajer A, Wahiajer RC, Wahiajer B, Wahiajer C, Wahiajer Lumbahdakha, Wahiajer D ha Nartiang-Wahiajer constituency, Saw – Byrwai A&B, Pasyih A&B, Thadmuthlong A&B, Thadmuthlong Phramer ha Muthlong-Sohkymphor, Kawei – Lathumphu A&B ha Shilliang Myntang constituency, kawei -Mukhroh A&B ha Barato Mukroh constituency, Lai – Moodymmai A, Moodymmai B, Moodymmai C ha Moodymmai-Nongkrh constituency, Kawei – Sabah Muswang ha Nangbah-Mihmyntdu constituency, San – Mynsngat jong ki shynrang, Mynsngat ki kynthei, Mynsngat – Rakhwi, Namdong jong ki shynrang, Namdong jong ki kynthei ha Mynsngad-Khanduli, Hynriew- Umdeinlin, Nongryngkoh, Mookaiaw, Mookaiaw B, Mookaiaw A, Mookaiaw D ha  Mowkaiaw constituency.

Nalor kata ka thup jong ki 12 tylli kiwei pat ki polling station kiba kham don jingma shuh shuh ki dei tang hapoh Shangpung constituency, kata: Khliehmushut Shangpung, Shangpung Pohshnong A, B bad C, Shangpung Mission (shynrang & kynthei), Khliehrangnah (shynrang bad kynthei), Mynkrem, Khlookynrin, Mulieh R Mulieh S, Mynktung Khliehumbuit, Shangpung Moosyiem bad Shangpung Moolibang.