Dawa pynneh T.30 iaka bai toll gate: AJTCVA

Syllad | The Rising MeghalayaFebruary 15, 2021

Ka All Jaintia Tourist & Commercial Vehicle Association (AJTCVA) haka sngi Nyngkong kala leit ban iakynduh ia u Deputy Commissioner jong ka West Jaintia Hills District ban iakren bad kynnoh shim kabu ki nongtrei jong ka Toll gate Pasyih/Ialong.

Ha kane ka jingiakynduh ka AJTCV la ai ruh da ka jingthoh sha u Deputy Commissioner bad kala kyrpad ruh ban leh ia ka ba donkam bad na ka liang jong U Deputy Commissioner ruh u la kular ban shim khia ia kane ka kam da ka ba ong un sa khot kloi kloi da ka jingialang.     

Ka AJTCVA kala dawa na ki bor ba dei peit ia ka Toll gate Pasyih/Ialong ba katba ym pat dep ban ia pynbeit, dei ban shim beit ia ka bai Toll gate kumba ju shim man la ka por ka ta 30/- haka shi sngi.

Pyndait iaka FASTag hapoh 15 Feb, ban lait siew kuna

“Ka jingshim palat ia ka dor ba la buh ka long ka jingibein ia ki nongshong shnong jong ka Jaintia hi baroh kawei bad lada ka NHAI kam shim khia ban pynbeit ia kane ka rukom shim bai Toll gate ha ka rukom ka ba dei na ka Liang ka Association kam banse ban iaid da kawei ka lynti,” la ong Mihsalan Dhar publicity secretary AJTCVA.