Dawa pynsangeh ka JSU iaka UGO Billing ka MeECL

Syllad | The Rising MeghalayaJuly 2, 2021

Ka Jaintia Students’ Union (JSU) haka sngi Thohdieng kala dawa na u Deputy Commissioner, West Jaintia Hills District ban pynsangeh iaka UGO Billing ka MeECL kaba la thmu ban pyntreikam a Rilum Jaintia.

Ka JSU katkum ka dorkhat kaba la ai sha u deputy commissioner lyngba u president u Jersom Shylla bad u assistant general secretary u Neilkee R Mukhim kila ong ba ki la ioh jingtip ba ka company M/S Satnam Global Infrastructure kaba dei na North India kaba la iateh bad ka MeECL ban pyntyllun ia ka kam shakhmat ban pyntrei ia ka ne ka UGO Billing Software bad kane ka company kan wan jinghikai ruh iaki nongtrei ka MeECL.

Ka JSU kala kyntu ia u deputy commisioner ban pynsangeh shwa ia ka ne ka company ban pyntreikam ia ka ne ka UGO Billing Software ha rilum Jaiñtia Hills katba um pat dep ban pynbeit ia ki meter reading.

Ka JSU kala dawa ruh ba MeECL shuwa ban pyntreikam iaka UGO Billing Software ka dei ban pyntip paitbah bad ban pynsngewthuh paitbah shwa khnang ba ki briew kin sngew thuh shaphang kane ka UGO Billing namar ba kane ka thain ka dei kaba thud ba ka bording khamtam ki jaka nongkyndong kin shem jingeh lada pyntreikam ia kane ka rukom siew bai bording thymmai.