Dawa pynshitom ka VPP ia u Myntri ka Tnad Pule Puthi ba kren shun party

Syllad | The Rising MeghalayaAugust 29, 2024

U President ka liang pyrshah Voice of the People Party (VPP) uba dei ruh u MLA ka Nongkrem u Bah Ardent M Basaiawmoit haka 29 tarik Nailar, u la dawa hapoh ka iingdorbar thaw ain ban shim ia ki jingpynshitom pyrshah ia u Myntri ka Tnad Pule Puthi u Rakkam A Sangma halor ki jingkynnoh don bynta ha ki jingkren shun pyrshah ia ka party.

Hashwa ban wanrah ia ka mat iatai ba lyngkot halor ka rukom thungkam nonghikai ha Dadenggre Sub-Division, u Bah Ardent u la kynnoh ba une u Myntri u kwah ban iohi ia ka jingiaumsnam hapdeng ki Garo bad ki Khasi lyngba ka jingkren shun bad ki jingkynthoh pyrshah ia ka party.

“Nga kwah ban kyrpad ia u Myntri Rangbah ka Jylla lyngba u Lamphang ban shim ia kane kum ka mat ban pynbeit ha kane ka dorbar,” u la ong.

“Lada dei ba nga don ka jingsngew iapher jaidbynriew kumba long ma u, ngam ym jin da la jied ban pyniadei abd ki paid Garo naduh ki snem 1980,” u la ong.

Da kaba pynpaw ba ki la dep ban ujor da ka ejahar pyrshah ia une u Myntri, u Bah Ardent u la ong, “Nga ka kyrmen ba ka Sorkar kan ym khanglad ia ki bor ba dei khmih ba kin shim ia ki sienjam pyrshah ia une u Myntri.”