Dawa sa ka Khliehriat Youth Congress ban khang shisyndon iaki Coke Factory ha East Jaintia Hills

Syllad | The Rising MeghalayaJuly 3, 2021

Ka Khliehriat Assembly Youth Congress haka sngi Thohdieng kala dawa ban khang shisyndon ïa baroh ki Coke Factory ne ki kharkhana saiñ rnga dewiong ha East Jaintia Hills.

U President ka Khliehriat Assembly Youth Congress Committee u ma Chrispin N Dkhar, ula ai da ka dokhat sha u Union Minister of Environment, Forest and Climate Change Prakash Javadekar lyngba u deputy Commissioner, East Jaintia Hills District.

Katkum ka dorkhat ka Khliehriat Assembly Youth Congress Committee kala dawa ban pynduh Environmental Clearance ia baroh ki kharkhana coke hapoh ka district bad ban pyndam wat ia kiba ka ministry kala dep ai.

“Ka daw ba ngi pyrshah ban ai ia ka Environmental Clearance sha kine ki coke factory kalong halor ka jingud jingnam jong kiba bun ki nongshong shnong ba marjan bad kane ka coke factory bad ruh halor ka jingpynjaboh palat iaka lyer bad ka jingma iaka koit ka khiah bad pynjaboh iaka sawdong sawkun ka mariang,” la ong u Chrispin N Dkhar.