Dawa tuklar ka Synjuk Waheh Shnong EJH ia u DC halor ka jingkiew ka bai bording ilektrik

Syllad | The Rising MeghalayaDecember 2, 2024

Namar ka jingsngewkhia kaba jur halor ka jingkiew jong ka bai bording ilektrik watla kam shym la don satia ka jingpyndonkam kaba palat, ka Synjuk Waheh Shnong East Jaintia Hills District ka la dawa ia ka jingtuklar lem jong u Deputy Commissioner ka District na ka bynta ban pynlong ia ka jingtohkit kaba bniah halor ka rukom shna ia ki bill bad ban lap ia ki jingdkoh bad ki jingbym bit bym biang baroh.

Katkum ka jingong jong ka Synjuk, ki Rangbah Shnong jong ki shnong bapher bapher jong ka district ki la ioh pdiang ia shibun ki jingud jingnam na ki nongshong shnong ha kaba iadei bad ka jingkiew kynsan jong ka bai bording ilektrik bad kaba la ktah jur ia ka pla ha ka liang ka pisa tyngka.

Halor kane ka Synjuk la kyntu jur ia une u Deputy Commissioner ban shim ia ki lad ki lynti khnang ban pynthikna ha kaba iadei bad ka rukom siew bai bording kaba thikna bad ka bym don kano kano ka jingleh bakla.

Ha kajuh ka por ka Synjuk ka kyrpad ruh ia une u heh ka District ban iarap lem ia kito ki nongpyndonkam bording kiba la shah ktah na ka jingkiew ka bai bording da kaba pynbeit ia ki bill jong ki lane ban wad da kiwei pat ki lad ki lynti kiba dei, bad ruh ban pynthikna ia ka jingkhuid jingsuba ha kaba siew ia ka bai bording khnang ba kum kine ki jingjia kin ym jia shuh hadien habud.

Kiew ka bai thang bording, khot jingialang paidbah KSU ha Khliehriat