Dawa u MP ka Shillong ha Parliament ban weng noh ia u Vice Chancellor ka NEHU

Syllad | The Rising MeghalayaMarch 26, 2025

U Member ka Parliament na Shillong Parliamentary Seat u Dr Ricky AJ Syngkon ha ka 25 tarik Lber u la pynsngew hapoh ka Parliament ba dei ban weng noh mador ia u Vice Chancellor (VC) ka skulbah North Eastern Hills University (NEHU) Shillong, u Prof PS Shukla.

Haba rah ia kane ka mat ha ka jingialang dorbar ha Parliament, u Dr Syngkon u la ong, “Nga kwah ba ka Ministry kaba dei khmih ba kan shimkhia halor kane ka mat da kaba weng noh mardor ia une u VC ka skulbah NEHU.

U la ong, “Mynta kane ka skulbah NEHU kaba don ia ka moto ‘To rise up and build’ mynta ka don hapdeng ka kynrum kynram bad ka daw kaba kongsan ka dei namar ka jingbym don ia u nongialam uba biang.”

Une u MP u la ong ruh ba kane ka jingbym lah jong une u VC ka la pynlong ruh ia ka skulbah ba kan ym lah ban treikam bha bad kaba la lam ruh sha ka jingiakhih jong ki samla pule, ki nonghikai bad ki non teaching staff jong kane ka skulbah bad kaba la pynlong ia kane ka skulbah ba kan sahkut khlem da lah ban pyniaid shakhmat ia ki kam ki jam.

Katkum ka jingpynpaw ka jong u, u la ong ba kane ka skulbah ka la shah ktah jur namar kine ki jinglong jingman kiba dang iai bteng haduh mynta.

Ka Prof Sherwin May Sungoh kum ka Pro Vice-Chancellor ka skulbah NEHU