Dei ban tyngkai iaka jingai ka mariang ban tem iaka jingsyaid ka pyrthei

Syllad | The Rising MeghalayaApril 14, 2023

Ka ophis u Range Forest Officer, Social Forestry Range Namdong kala pynlong iaka jingpynsngewthuh paidbah halor ka rukom im bad ka mariang ne ka Lifestyle for Environment (LIFE) haka shnong Nongrim Bambthong haka sngi Thohdieng. Kane ka jingai hikai ka dei na ka bynta ban pynsngewthuh paidbah iaka jingkongsan ban im ryngkat bad ka mariang ban tyngkai iaka jingbuh jingsat ka mariang.

U Ma LD Suiam, Assistant Engineer Jowai Rural Distribution Division MePDCL haba kren halor ka phang pdeng “Our Endeavour Today is for a better Tomorrow” ne ka jingpyrshang kaba mynta ban pynbha iaka lashai namar ba katba nangmih ki sngi u briew ula pynjot iaka sawdong sawkun ka mariang.

Ka jingpynjot iaka mariang kala ktah iaka jingshit jingsyaid ka pyrthei bad ula ong ba ha satlak ka pyrthei mynta kila iakhun ban pynbha bad ai jingiada iaka mariang namar ba kala kiew ka jingshit jong ka pyrthei ne kaba la tip kum ka global warming, la ong u ma Suiam.

Ula ong ruh ba ka tnad kam khlaw kala pynlong ia kane ka jingai jinghikai ban iada iaka mariang ka donkam ïaka jingsumar bad pynbha ia kaba pynjulor u briew, kata naduh ki um ki wah, ki khlaw ki btap, ki mrad ki mreng ha ryngkew, ha duriaw bad kiwei kiwei.

Kiwei kiwei kiba kren ki dei u ma MC Suchiang Forestar-1 haka jingdonlang u Waheh shnong u Bichar Khyriam bad ki nongshong shnong ka Nongrim Bambthong.

Hadien ka jingïalang la pynlong ka jingthung ïaki tynrai dieng Cherry harud ka madan bol jong ka Shnong.