Dheng kali ha surok Shillong Jowai, kyntu iaki nongniah kali ban kohnguh iaki pulit pyniaid kali

Syllad | The Rising MeghalayaNovember 23, 2021

Ka jingdheng kali ha surok bah National Highway 6 ne ka surok Shillong Jowai kala ktah khlieh laka sngi namar ka jingmaramot surok.

Mynta ka sngi ruh kala don ka jingdheng kali ha ki bynta ka Mookyndur Puriang hadien bala sniew kawei ka trok kaba la wanrah iaka jingsahkut kali ha baroh arliang ka surok.

U Superintendent of Police, West Jaintia Hills District Bikram D Marak ula ong ba ki pulit pyniaid kali kila pyrshang katba lah ka bor ban pynlait iaka jingsahkut kali. Haka juh ka por la kyntu ia baroh ki nongniah kali ban iatreilang bad iaid hala ka jong ka liang (lane) jong ka surok bad ban nym shim pass khnang ban lait ka jingsahkut kali.