District Cricket League WJHDCA: Jop ka Mupliang CC iaka Phramer CC da 20 run

Syllad | The Rising MeghalayaApril 4, 2024

Ka Mupliang Cricket Club ka la pynliem iaka Phramer Cricket Club da 20-run haka jingialehkai District Cricket League 2024 kaba la pyniaid da ka West Jaintia Hills District Cricket Association (WJHDCA) ha madan Khliehtyrshi Mini Stadium haka 4 tarik Iaiong.

Ka Mupliang kaba la jop iaka toss kala bat shuwa ha kaba kala buh iaka thong kaba 172 run naki 28.5 over bad liem baroh 10 wicket.

U Byforcestar Dhar ula tied 42 run naki 33 bol, u Wanker Sana ula tied 35 run naki 31 bol bad u Echwa Phawa ula tied 22 run naki 25 bol.

Naka liang jong ka Phramer u Deimiki Rabon ula pynhap 4 wicket naki 5 over, u Iaineh Suchiang u pynhap 2 wicket naki 5 over bad u Hamm Lyngdoh 2 wicket naki 4.5 over.

Haba beh iaka thong ka Phramer ka la lah ban tied 151 run naki 25.5 over bad liem baroh ki wicket.

Na ka liang ka Phramer u Denis Lyngdoh ula tied 17 run naki 28 bol, u Sauni Nongtdu ula tied 15 run naki 14 bol bad u Pyrkhat Sari ula tied 15 run naki 21 bol. Katba na ka liang ka Mupliang u Saunihi Patwet ula pynhap 2 wicket naki 7 over.

Iaka nam Man of the Match la ioh da u Saunihi Patwet jong ka Mupliang Cricket Club.