Dkut ka surok ha Laskein Block, shlei um ka NH 6

Syllad | The Rising MeghalayaSeptember 25, 2020

Ka jingther jur u slap ha kylleng ka rilum Khasi Jaintia bad Garo kala wanrah ka jingshlei um bad ka jingtwa khyndew ha kylleng.

Hynne ka step ka jingshlei kala wanrah ka jingjulor ka surok bad kala dkut ha Laskein Block. Kane ka surok ka dei kaba pyniasoh iaka shnong Thadbamon, Thadialong, Moobandu bad kiwei kiwei ki shnong.

Ka jingjur u slap kala wanrah ruh l jingshlei ka Wah Myntdu bad kiwei kiwei ki jaka ha kaba u kba ula shah tap haka umsaw bad pyndiaw shi katdei eh iaki paid nongrep ba la dei ka por ot ia u soh kba.

Haduh bala thoh iaka khubor ia rilum Jaintia kam pat don kano kano ka jingjia ba sngewsih.

Shuh ka surok bah NH 6 Jowai Shillong ruh kala shlei um haka bynta ka shnong Ummulong. Kane ka surok kam long shuh kaba shngain ban leit ban wan ba kala julor tasam bad paw thliew ki syar kiba la lang um kaba jingma iaka leit ka wan u paidbah.