Don ki Club ki bym shah ia ki khynnah ban mihkhmat ia ka Meghalaya: MFA

Syllad | The Rising MeghalayaJune 9, 2024

Ka long ka khubor kaba phylla ba ki dang don ki katto katne ki klob ba la paw ka jylla kiba khanglad ia ki player ki jong ki khamtam lei lei ia ki khynnah ban mihkhmat ia ka Meghalaya haba ka leit ba kan iashim bynta sha ki lympung ba ju pynlong da ka All India Football Federation (AIFF).

Katba haba ianujor bad kiwei pat ki jylla jong ka thain shatei lammihngi (North East) ki coach jong kine ki jylla pat ki iathuh ba lada ka jia ba lada ka synjuk pyniaid phutbol ka jong ki ka donkam ia ki player, ki club kim juh shlan ban ong ba kin ym pyllait ne shah ia ki.

Hynrei dang shen haba ka MFA ka la sei madan ia ki player ban mihkhmat ia ka jylla, u coach ba ialam ia kane ka kynhun u la pyntip sha ka MFA ba la dep ban jied ia ki katto katne ki player ba dei na kawei na ki club kaba la paw bha ha kane ka jylla, hynrei ha ka khyllipmat kaba khatduh la kynnoh ba kane ka club kam shym la pyllait ia kine ki player da kaba ai daw ba ki don ka jingialehkai kaba kongsan kaba ki hap ban don ha ka kynhun. Hynrei kaba sngewsih pat ban lap hangne ka long ba ha katei ka lyumpung ba kane ka klob ka ialehkai, ha ka sngi ba kadei ba kan iakhun, la lap bad shem ba kine ki player ki la  shu shah pynshongkai ha ki ben.

Naka liang u Bah Sunesh Syiem bad Bah Cliff R Nongrum ki pynpaw ba na kane ka lympung jong ka Meghalaya Youth League kin ym khang ia u khynnah ba un leit ban ialehkai na kino kino ki club, hynrei lada jia pat ba ka MFA ka donkam ia ki ban mihkhmat ia ka jylla, u player ne ki club kin hap ban shah ne pyllait ia ki ban mihkhmat ia ka jylla.