Donkam ban shondur Aadhaar ban bteng shim khaw rashon ha West Jaintia Hills

Syllad | The Rising MeghalayaFebruary 10, 2025

Ka office jong u Deputy Commissioner (Supply), West Jaintia Hills u pyntip sha ki dealer khaw ration baroh ba katkum ka jingbthah jong ka Sorkar (Government of India, Ministry of Consumer Affairs, Food & Public Distribution), ki nongbam khaw ration kiba hap hapoh ka NFSA (AAY & PHH) ki hap ban shim khaw da kaba pyndonkam da ka e-pos machine.

Ha kajuh ka por ka sorkar ka la pyntip ba ka lah ai por biang ban shondur Aadhaar na ka bynta ki nongbam khaw ration haduh ka 31 tarik Lber, 2025.

Kumta na ka liang jong ka office ka la kyrpad ia kito ki nongbam khaw ration baroh ki bym don Aadhaar, hynrei kiba dang kwah ban shim khaw ration ki hap ban leit shondur Aadhaar ha ka office jong u BDO (Laskein/ Thadlaskein C& RD Block).