Duh bording ka Dawki bad Bakur man ka miet, dawa pynioh transformer ka HNYF

Syllad | The Rising MeghalayaJanuary 17, 2022

Ka Hynniewtrep Natonal Youth Front (HNYF) kala dawa naka tnad MeECL ban pynioh transformer haka shnong Dawki bad Bakur hadien ba kala shah ktah haka jingduh bording manla ka miet mynta la jan shitaiew.

Katkum ka dorkhat kaba la ai ka HNYF lyngba u Keepmewell Lamin Gashnga bad u Scheffer Pohlong kiba long ki president bad secretary Bakur Dawki unit sha u Chief Engineer (Distribution) MeECL Lumjingshai la iathuh ba kane ka jinglip bording man ka miet ha kine ki ar shnong kadei ba sniew u transformer ha IB PWD, Dawki.

Kane ka jingduh bording kala neh mynta la shitaiew bad kala wanrah ka jingduh nong iaki nongtrei karkhana fabrication, furniture bad kiwei kiwei ki jait kam ba pyndonkam da ka bording kumjuh iaki khynnah skul kiba pynkhreh iaki eksamin jong ba kynthup iaka VIII bad X bad kiwei kiwei.

Ka HNYF kala ong na kaliang u Chief Engineer ula kular ban shimkhia ban pynbiang iaka bording ha kine ki shnong.