Duh bording ka Lad Sutnga, ujor ka KSU sha u EE Khliehriat distribution sub division

Syllad | The Rising MeghalayaJune 8, 2021

Ka Khasi Students’ Union (KSU) Khliehriat Town Unit kala ujor sha u Executive Engineer, Khliehriat Distribution Sub Division hadien ba ka kyntoit ha Lad Sutnga kala duh bording la bun bun sngi.

Ka KSU hapoh ka jingialam khmat jong u General Secretary u Samson Rymbai bad u Organzing Secretary u Sanki O Nongtdu ki la leit iakynduh ia u Executive Engineer ka Khliehriat Distribution Sub Station halor ka jingduh light ka dong Lad Sutnga namar ka jingsniew ki 2 tylli ki transformer ban sam bording ha kane ka dong.

Ka KSU Khliehriat Town Unit ka kyntu ia u Engineer ba dei khmih, ba un kham pynkloi ban phah shna ia kitei ki 2 tylli ki Transformer kiba sniew khnang ba ki khynnah skul kin ioh ban pyndep iaki online Klaus bad kumjuh ba ki paidbah kin ioh ban pyndonkam bording.

Ka KSU ka ong ba katei ka tnad treikam ka MEECL kan hap ban ap ia u transformer ban poi na Jowai bad mar sien poi kin shna wut wut.