Duh ka FKS ia u paia ka border India Bangla

Syllad | The Rising MeghalayaMarch 18, 2021

Ka Dorbar Federation of Khasi State (FKS) ka pynpaw ia ka jingkyndit bad ka jingsngewsih kaba khraw halor ka jingduh noh ia u paia bad u nongbuh bad nongsei kot u Late Bah Peter David Rynjah, 84 snem ka rta iba la khlad noh ha ka 18-3-2021.

ka FKS kala pynpaw ba dang shen I la wan rah ia ki kot ki sla kiba ia dei bad ka khyndew ka shiap ki kur ka thain ri war.

“Ngim lah ban klet ia ki jingiaid lang ha baroh shi lynter u pud ka Ri Khasi Jaintia naduh ki snem 1999 bad khamtam ki jingnoh synniang bad ka jingtrei shitom jong i halor kumno ban pyntip sha ngi halor kiba bun ki jingeh jong ka thain Ri War kumjuh ha ka por ba wan thombor ki khar bangla sha ka thain Pyrdiwah,” la ong u Bah John F Kharshiing, Chairman, Ka Dorbar Ki Khlieh Nongsynshar Ka Ri Hynniewtrep uba long ruh u Adviser Spokesperson, Federation of Khasi States bad Spokesperson, FORMLD,

La kha haka 23/12/1936 ha Lyngkyrdem,bad ila khlad haka 18/3/2021 bad yn pyndep haka 20/3/2021. I Bah Peter ila iehnoh shadien ia i kurim bd 11ngut ki khun.

I Bah Peter i dei iba ju trei ha PWD, bad ila shongthait ha u snem 1997 kum u junior engineer, i la bat teng kum u rangbah shnong Lyngkyrdem la bunsien, bad i la bat teng kum u secretary shnong, bad i long ruh u General Secretary jong ka Federation of Ri-War Mihngi Local Dorbar (FORMLD), bad kum u secretary jong ka CCIB, bad Secretary, JAC for demanding Pynursla civil sub division. 

Na ka liang ka Dorbar ki khlieh Nongsynshar, na ka FKS bad na ka FORMLD ka phah ka khubor jingsngewlem sha phi baroh kawei ka iing ki kur ki kha jong I (late) Bah Peter D Rynjah. 

U Bah John ula kyntu ia ki bor Raid Mawlieh ki bor Hima Khyrim ba la donkam shisha ban buh ia u mot sah kynmaw na ka bynta une u Rangbah kynthup ia kiwei ki Nongsynshar kiba la khlad dangshen kiba la noh synniang  kyrpang ia ka jingiada ia u pud hapdeng ka Ri Khasi Jaintia bad ka Bangladesh.