Duh myntoi naka skhim 100 sngi ba ïakhajia pud ka Meghalaya Assam

Syllad | The Rising MeghalayaMarch 9, 2019

SHILLONG: Ka skhim bylla 100 sngi kaba la tip kum ka “Mahatma Gandhi National Rural Employment Guarantee Scheme (MGNREGS)’ kaba la mang da ka sorkar kmie ban kyntiew ïa ki thaiñ nongkyndong ban kyntiew ïaka ïoh ka kot bad ka roi ka par jong ki shnong, hynrei ki shnong ha khappud Meghalaya Assam kiba hap haka jingïakhajia pud kim shym la ïoh myntoi eiei na kane ka skhim.

Kane kala paw haka jingleit ai dorkhat ki san tylli ki shnong ha khappud Meghalaya Assam ha u Deputy Chief Minister ka Jylla u Bah Prestone Tynsong haka sngi Thohdieng ha kaba la pynpaw ba haduh mynta kim pat ïoh jingmyntoi eiei kane ka skim bylla 100 sngi haka shnong Mowluber wat ki dei ki nongshong shnong kane ka Ri.

Kane ka jingbym ioh jingmyntoi kane ka shnong na kane ka skim na baroh tylli ki sorkar, ka Meghalaya bad Assam kala wanrah ka jingduhnong kaba khraw ïa kiba bun ki paid nongshong nalor bym hok ki skhim sorkar wat la ki angnud ban ioh trei na kane ka skim bad kumjuh ban wanrah ki kam pynroi ha katei ka shnong.

Kila kyrpad ïaka sorkar Jylla ban phai khmat sha ki shnong ha khappud khnang ba kin ïoh ki jigmyntoi kumba ioh lem kiwei kiwei ki shnong bad ki nongshong shnong ka Ri.