Duh noh ka Jowai ia u nongtem ba pawnam

Syllad | The Rising MeghalayaApril 29, 2022

Ka sor Jowai haka sngi Palei kala duh ia uwei u nongtem, nongrwai bad u nongthaw jingrwai ba pawnam ha ki por jong u ha ki snem 80’s haduh mynta.

Une u nongtem, nongrwai bad nongthaw jingrwai i dei I Ma Byeming Bareh. I la khlad noh na kane ka pyrthei shong basa haka step 28/04/2022.

Ki riew ieid jingrwai bad nongtem ha rilum Jaintia kim lah khlem da pynpaw lem iaka jingsngewsih halor ka jingkhlad kynsan jong u.

I Ma Byeming ula don bynta ba bun tylli ki kynhun tem kiba kynthup iaka Green Butterfly, Fresh Blood, Minoan Axe, Cruzx bad kiba u rwai marwei. Bunsien hi i Ma Byeming i tem haka drum ha ki kynhun tem ba i tem bad i rwai artad ha ki khep khep bad kumjuh u tbit ruh haka guitar bad kiwei kiwei ki jait tiar tem.

Dangshen kumba la tip ia kaei ka ban jia ula dep pyllait paidbah iaki sur jingrwai kiba u la thaw haka Youtube

U Ma Byeming ula iehnoh shadien iaka lok i Kong Damonki Lywait bad ar ngut ki khun i Meleanie bad i Lyonne kiba shong ba sah ha Kiang Nangbah Road, Iawmusiang, Jowai.

Ka jingpyndep iaka basah jong i kan long mynta ka sngi Thohdieng (29/04/2022) haka por 10 baje mynstep ha Khnap Thangbru ha Pohhali, Dulong, Jowai.