Duh noh ka Jowai ia uwei na ki actor phlim Pnar

Syllad | The Rising MeghalayaMay 10, 2022

Ka Jowai dangshen kala duh noh ia uwei u nongtem bad nongthaw jingrwai u ma Byeming Bareh, hynnin ka miet Sngi Nyngkong pat kala duh noh sa ia uwei tyngshop ne actor ha ki phlim Pnar kiba pynmih na Jowai.

Une u tyngshop u dei u ma Dibait Rymbai, ula khlad kyndit kyndit na kane ka sla pyrthei haka por kumba 7:20 PM ha Woodland WK Hospital, Sabahmuswang.

Une u actor ula ioh iaka nam ‘U Pa Stad’ bad ula ak bun tylli ki phlim Pnar nalor ba u long uwei na kiba tbit ban ak iaki drama kiba pynlong haka shnong Panaliar.

Also Read | Khlad syndet u ma Sing Mulieh MLA barim ka Jowai

U Ma Dibait u dei uba shong ba sah ha Loomīongwar, Panaliar Jowai. Ula don ka rta kaba 54 snem bad u dei u khun jong u (L) Tamon Passah bad ka (L) Tynrawde Emilin Rymbai, bad u lok jong ka Kong Elmila Kynjing.

U Ma Dibait Rymbai u ju trei kum u SA ha ophis u Executive Engineer PWD (Rd) NEC Sub Division, Sutnga No 1.

Ka jingpyndep iaka niam kaba khatduh kan long haka 11/05/2022 heipor 10:00 Am ha khnap thangbru kaba don ha Pohhali, Dulong Jowai.