Duh noh ka Jowai ia uwei u nongialehkai bad referee, sngewkhia ka WJBA

Syllad | The Rising MeghalayaJune 27, 2021

Ka sor Jowai kala kala duhnoh ia uwei na ki nongiakura bad uba long ruh u nongpyniaid ne u referee haka lympung ialehkai ka West Jaintia Boxing Association (WJBA).

U ne u nongiakura udei u Lummi Plain, uba shong ba sah ha Mookyrdup, Jowai ula khlad haka 26 tarik une u bnai Jylliew bad iaka ba sah jong u la pynkhuid mynta ka Sngi U Blei ha u lumjingtep ka Balang Thadlaboh Presbyterian, Jowai.

Ka West Jaiñtia Boxing Association (WJBA) ka la pynpaw ka jingsngewsih bakhraw halor ka jingkhlad kyndit jong u Lummi.

Ka WJBA kala ong ba ka jingkhlad ka jong kadei ka jingduk kaba khraw iaka synjuk bad kam lah khlem da kynmaw ia u synniang u bynhei ba u Lummi ula noh sha ka WJBA ban kyntiew iaka kam ialehkai hapoh ka district.

“U Lummi udei u dkhot uba kitkhia bad trei naduh mynsiem na bynta ban kyntiew ïaka kam ïalehkai Boxing hapoh ka District bad ula long teng kum u Vice President, Treasurer, Coach bad Referee jong ka WJBA,” ong u kyrwoh na WJBA.

Ka WJBA ka la phah ka khubor sngewlem sha kiba haïing hasem, ka lok bad ki khun ki kti jong u Lummi Plain.