Duh noh ka Jylla sa ia uwei u nongia kilan met

Syllad | The Rising MeghalayaOctober 7, 2021

Ka Meghalaya Body Builder Association (MBBA) kam lah ban khlem da iam briew lem hadien ba ka la ioh jingtip halor ka jingkhlad ba kynsan noh ka jong uwei na ki dkhot ba dei artad u vice president ka synjuk I Bah Balaphrang Kharshïing haka 6 tarik Risaw 2021.

Kum  u briew I Bah Balaphrang u dei u nongia kilan met ne u body builder ba kynsai ba ka jylla ka la lah ba kan sei bad i ba la lah ban sei ruh na ka shlem ai jinghikai ka jong u ia kiba bun ngut ki khun samla, ha ka kam ia kilan met ne body building.

Ka General Secretary ka MBBA Kong Jessica Bamon, ki pynpaw ia ka jingsngewsih halor kane ka jingkhlad noh jong I Bah Balaphrang, i ba dei i wei na ki nongialehkai iba la lah ban wanrah bha ia kiba bun tylli ki nam ki burom ym tang ialade shimet hynrei ia ka jylla baroh kawei.

Na ka liang u general secretary barim u bah Arnold Lanong, ha ka kyrwoh sngew lem ka jong u, u dap daka mynsiem kaba khia namar ba dang shen ym pat da slem, ba ka jylla ka dang shu dep ba kan duh ia uwei na u rang nong iakilan met ne u body builder I Bah Pynshngain Langpen.

Haba phai sha I bah Balaphrang u bah Arnold u ong ba u la ioh ban mihkhmat ia ka jylla ha ka rynsan iakhun jong ka Eastern India ba la long ha Imphal bad ban rah ia ka kyrdan ba nyngkong ne ka first place nangta ban mihkhmat ha ka ynsan iakhun Master World ba la long hapoh Thailand , nanhta ban iashim bynta ha ka 52 Asian Body Basic ba la long ha Pune ban ioh bat ia ka kyrdan kaba san, nangta u la iakhun ia ka eksamin ban ioh ban long kum u nongbishar ne judge ia kaba i bah Balaphrang i la pass ban ioh ban bat sa ia kane kawei ka kyrdan ha ka jingim.