Duh pynkhreh Christmas ka shnong Umkiang bad kiwei ha shilynter ka surok bah NH 6 ba trei ka pum pum

Syllad | The Rising MeghalayaNovember 28, 2023

Ka Dorbar Shnong Umkiang, ka pynpaw ia ka jingsngewbynniaw halor ka jingbym shim khia ka Sorkar na ka bynta ban maramot ia a surok NH 6 ha ki thain Umkiang, East Jaintia HillsDistrict, naduh Umkiang Pyrtakuna Kuliang, Dona bad ka thain Border Narpuh hi baroh kawei.

Ka dorbar shnong Umkiang ha u kyrwoh lyngba u Waheh Shnong, u Ma Lasting Pala ula ong ba ka jingbym shim khia ka sorkar ban bthah ia ka NHAI/NHIDCL ban pynbha ia u surok NH6 ka la pynlong ia ki nongshong shnong ban ioh pang haba ring mynsiem khamtam ki khynnah khyllung ha kine ki bnai tlang.

Nalor kata paitbah nongshong Shnong kiba don ha shilynter u surok kim lah shuh ban pynkhreh ia ka jinglehkmen Christmas namar ym long ban ai rong ne pynbha pynitynnad ia ki iing ki sem namar ka daw ka jingjur palat pum pum

Ula ong ruh ka don ka Company kaba la tip kum ka Laxmi kaba na Silchar, kaba wan trei ha ki katto katne ki bynta bad kaba trei tang dep rukom bad ka khlem lah ban maramot kumba dei ban leh. 

Ula kam ba haba ki kylli ia ki nongpyniaid kane ka company balei kim trei bha ia ka surok, ka jubab ba ki ioh ka long bym don pisa ka Sorkar.

Kane ka jingbym khein snep ka Sorkar Meghalaya/NHIDCL ban shna pynbha ia ka surok kala pynlong ia u paidbah ba leit ban wan ban mad iaki jingeh ban bam iaka pum pum, kumjuh ki nongshong shnong kin hap ban sait pliang shwa ban bam jingbam na ka daw jong u pum pum nalor ka jingbun ki Kali heh/ barit kiba iaid 24 kynta, ong shuh shuh u Waheh Shnong Umkiang.

Lada ka Sorkar Meghalaya ka leh bymsuidniew iaka jingud jingnam jong ki paitbah nongshong Shnong ka thain Umkiang, ban pynbha ia u surok NH 6 ha kine ki sngi ban wan kila maham ban mih paitbah sha surok.