Duh thep vote ba pynthud u kyrtong ha Mowkaiaw
MOWTYRSHIAH: Palat 400 ngut ki nongthep vote kiba don ha u lain kiba thmu ban pyndep ïaka hok thep vote ban jied ïa u MDC na Mowkaiaw Constituency kila duh ban thep vote tang naka daw ba wan pynthud u kyrtong ka NPP, u Heirtami Suting shiteng kynta shuwa ban kut ka por thep vote ha Mowtyrshiah A haka jaka thep vote ha Community Hall ka shnong.
La kynnoh ba u Ma Heirta Suting uba long u kyrtong jong ka National People Party (NPP) na ka Mowkaiaw Konstituensi ula wan hiar ha katei ka jaka haka por kumba 3:30 PM bad pyrshang pynwai jubor ia ka jingthep vote, shiteng kynta shuwa ka por.
La kynnoh ba u Ma Suting u la rung sha poh ka jaka thep vote bad u la khang syndon ia ka jingkhang bad u la ong ia ki briew ka elekshon ba ki dei ban pynkut noh ia ka jingthep vote namar bala kut ka por, hynrei ki paidbah kiba don ha u lain kila khie bitar ïaka jingleh donbor jong u kila pyrta shla bad phah mih ïa u shabar bad la mih thma ktien kaba jur.
Hynrei da ka jingwan poi ki Pulit; u Heirtami Suting ula mih na katei jaka thep vote bad u la pynthut ia ka jingïaid beit ka jingthep vote shiteng kynta eiei. Hadien ba u la leit ka jingthep vote ka la sdang biang hynrei tang katto katne por bad palat 400 ngut ki briew ki khlem ioh thep vote shuh.
Facebook
Instagram
Youtube
Twitter
Leave a Reply