Duna ka lad jingiarap na ka sorkar ban pynshlur ban kiew lum ong u Teimiki

Syllad | The Rising MeghalayaMay 2, 2023

Ka KSU West Jaintia Hills District Unit kala pynkup burom ia u Teimiki Sungoh uba na ka shnong Shangpung ba wan nyngkong ha ka Advance Mountaineering courses haka shlem ai jinghikai ka Himalayan Mountaineering Institute Darjeeling.

Ha kane ka jingpynkup burom la iadonlang ki dkhot bad nongialam ka KSU kiba kynthup ia u Phrangki Papang finance secretary, Soowatki Law asst Environment secretary, Platini Mukhim sport secretary bad u Leningrad Tariang general secretary.

U Leningrad Tariang, ula kyntu ia u Teimiki ban trei shitom bad pyndonkam hok iaka sap kaba u don bad ai mynsiem ia kiwei ki samla ba don ia kane ka sap ban bud iaka nuksa ban poi sha ka thong.

U Teimiki sungoh u la ong ba ki samla na ka jylla ba leit ia shim bynta ha kane ka jait ialehkai kiew lum ki mad shibun ki jingeh, ka jingeh kaba ha khmat duh dei ka jingduna ha ka liang ka jingioh jingiarap na ka sorkar namar kam pat da ithuh bha ia kane jingialehkai kiew lum wat la bun ki samla ki don ka sap ban kiew lum.

Ka KSU ka kyntu iaka sorkar ban phai ki khmat sha kane ka kam ialehkai khnang ba ka sap ka phong ki samla ialehkai ka Jylla kan nym lehnohei.