Duna kilo u khaw rashon, ujor ka JSU sha u DC West Jaintia Hills

Syllad | The Rising MeghalayaApril 23, 2025

Wat hapdeng ka jingpyrshang jong ka sorkar ban pynbha iaka rukom sam rashon, pynban haduh kine ki sngi ka jingduna kilo u khaw rashon ka dang iai bteng kaba ktah ia u paidbah nongbam rashon kumjuh iaki nongdie rashon.

Kane ka jingduna kilo u khaw la lap haka shnong Mynsngat ha kaba hadien ba thew iaki byrni khaw ba 50 kilo la lap ba ki duna haduh 6-8 kilo.

Halor kane ka jingduna kilo na kaliang ka Jaintia Students’ Union ryngkat bad ki nongialam shnong ka Mynsngat kila ujor sha u Deputy Commissioner West Jaintia Hills District, Abhinav Kumar Singh, ban kyntu ia u ban shimkhia ban tohkit halor kane ka jingduna kilo bad ban pynthikna ban pynpoi ia u khaw rashon ba biang kilo sha baroh ki dukan die rashon ban myntoi ki nongbam rashon.