Duna sboh bad symbai kba ban rep ki nongrep ong ka JSM

Syllad | The Rising MeghalayaMay 21, 2021

Ka jingduna sboh kam dei shuh ka ishu ba thymmai iaki paid nongrep, manla u snem ki iakynduh kane ka juh ka apot bad ka sorkar ruh kam lah ban pynioh sboh haka por kaba biang.

Ki nongrep jong ka East Jaintia Hills kila pynpaw ba kila shem jingeh ban rep ba duna ka jingioh iaka sboh shyieng bad u symbai ba bala dep oh dor duna ka tnad ka kamrep hapoh ka district. Namar kane ka jingduna sboh bad symbai naka sorkar, ki paidbah nongrep kila hap thied na ki riew shimet haka dor kaba rem.

Ka Seng Jaiñtia Students’Movement, Eastern Region haka jingialam u president Wellson Siangshai, SSuni Bareh General Secretary bad kiwei ki dkhot ki la leit ia Kynduh ia ka District Agriculture Officer, Khliehriat kong W. Challam ban pynsngew ia ka jingeh u paidbah nongrep.

Ka JSM kala ong ba kane ka jingduna sboh ka dei naka jingduna ka pla pisa ka sorkar bad kam lah ban biang iaka jingdawa u nongrep.

Ka Sorkar ba na ka por sha ka por ka ju pynshlur ia ki Nongrep, ki  khun samla ban phai khmat sha ka kam rep kam riang khnang ban lah ban ieng ha la ki jong ki kjat, ka ktien bad ka kam ka sorkar kam iadei satia la ong ka JSM.

Ka JSM kala kyntu ia u myntri kam rep kamriang u Bah Banteidor Lyngdoh ban pynioh sboh iaki nongrep ka thain bad kumjuh sha kiwei kiwei ki jaka.