E sniawbha ka IRCS, West Jaintia Hills Unit da ki kymmor

Syllad | The Rising MeghalayaJanuary 7, 2024

Ka Indian Red Cross Society, West Jaintia Hills da pynman ko i sam makna ya ki kymmor cha ki kattu katni ki manyung heiwa yeini I kam da pyndep da ki Life Member iong kani ka sein wa em ha ki chnong ki thaw wapher.

U Oriland Shylla, Life Member IRCS, West Jaintia Hills da khana u wa da leh yeini ha ka thong iong ka “Distribution of Humanitarian Aid”.

Ha ka yalang watbian wad a pynman ha ka 6 tarik Duiatra ha yung krehkam ka Chilliangraij Dorbar Chnong chwa wow ekti ya ki kymmor cha ki manyung wa em hapyrdi u lain iong I dooh I duk (BPL)  da batai u chaphang ka Indian Red Cross Society kam kawi na ki sein wa em ha chityllup ka pyrthai wa yien wow e I chakri cha ki paidbah ha ki dur ki rukom wapher khamtam hawa em I jia wym poi pyrkhat (Calamities & accidents) wei da kyrsu kyntu u leh ya ki bru wa chongchnong wow embyntalang wa kani ka sein.

Ya kani ka prokram da pynman dei emlang ki dkhot ka Chilliangraij Dorbar Chnong wa kynthup iow Cheini Niangti, Convener Auditorial Board wa u Heisar Shylla, Asst. General Secretary Chilliangraij Dorbar Chnong, Jowai.