East Jaintia Hills | Tur kynsan ki sengbhalang bad ki Waheh Shnong ha ophis DC ban pyrshah ïaka jingkit dewiong na Assam

Syllad | The Rising MeghalayaMay 6, 2020

Mynta ka sngi ki kynhun ba kynthup naduh ka Synjuk ki Waheh Shnong Ka East Jaintia Hills, ka Jaintia Amalgamated and Redressal Forum (JARF), Ka Jaintia Coal Miner and Dealer Association, Ka Jaintia Students’Movement (JSM) , Khasi Students Union (KSU) Ka Hynniew Trep National Youth Front ( HNYF) bad kiwei kiwei ki la mih sha Ka ophis u Deputy Commissioner, East Jaintia Hills ban pyrshah iaka jingailad ka sorkar ban kit dewiong ban shalan na Assam shapoh ki kharkhana dewbilat kiba don hapoh East Jaintia hills.

Kane ka jingiakhih pyrshah kaba kynsan kynsan kala sdang naduh ka por 10 baje mynstep bad hadein katto katne kynta u DC u la khot iakren ia ki nongialam jong kine ki kynhun. .

Haka jingiakren hadpeng u DC , SP, ADC bad kiwei ki ophisar ki la kular hakhmat ka kynhun ban sangeh ia ka jingkit Dewiong na Assam shapoh ka Jylla ban pynbiang dewiong iaki lai tylli ki kharkhana dewbilat ha East Jaiñtia kiba hap hapoh ka Elaka Narpuh.

Ki nongialam kane ka kynhun ki kynthup ïa u MLA barim ka Khliehriat u Ma Justine Dkhar nongaiktien ka JARF, Helping Phawa Chairman JARF, Joinriwell Pyrtuh President JCMDA, Hambertus Nongtdu, President East Jaintia Coal Supplier Association, Satly Ryngkhlem, President Synjuk Waheh Shnong East Jaintia Hills, Jesper Bareh Secretary Synjuk Waheh Shnong East Jaintia Hills.

U DC u kular ban shimkhia ban khang lashai ka sngi iaka jingkit dewiong na Assam.

Kane ka kynhun ruh ka la pdiang bad khnang ban pynthikna, kine ki kynhun kin nym shong kli kti bad lashai naduh ka por 10 mynstep kin pynlong ka jingkhynra na Kongong .

Ha kajuh Ka por na ka liang kane ka kynhun kala kyntu ia U DC ban pyndep ïaka jinglilam (auction) ia u Dewiong ba don hapoh Ka Jylla ia kaba ka supreme Court kala ai jingkhien, kata 32 lakh metric ton khnang ban pynsangeh iaka jingwan u Dewiong na kiwei ki jJylla khamtam ka Assam kaba la sar ka jingpang khlam COVID-19 bad la tip kum ka COVID-19 hotspot.

Kane ka kynhun kala pynrem jur iaka sorkar kaba ialam u Conrad K Sangma bad kynthoh ïa kane ka jingpynjynsur bad ailad ia kine ki kharkhana ban kit dewiong na Assam.

“Ka sorkar kala pan ka jingkyrshan jong ngi ban iakhun iaka khlam COVID-19, hynrei ngi lyngngoh kumno pat kane ka sorkar ka kwah ban ailad iaka jingkhaii dewiong na kawei ka Jylla khamtam bad ka Jylla Assam kaba la pur u khniang COVID-19,” la ong ki nongialam JARF.

“Ngi don u Dewiong 32 lakh metric ton haka Jylla bad une u dewiong ruh u biang ban shalan sha kine ki kharkhana bad dei ban ailad shuwa ban pyniaid ia une u dewiong bad dawa ban pysnangeh mardor iaka jingwanrah dewiong na bar Jylla sha kane ka jylla khnang ban iada iaka hok jong ngi bad ban plie lad ia ki paidbah ka thain ban ioh kamai ja kpoh,” ong ki nongialam ka JARF.

U Ma Justine ula ong ba la dawa ban pyllait ïa u dewiong uba 2 lak ton uba la mynjur da ka NGT ban die bad ban shalan ha East Jaintia. Ula ong ba lada iaid beit ka jingkit dewiong na kiwei ki jylla ka buh iaka district haka jingma namar ba nalor u deiwong ki briew ruh ki wan, kumta ban lait na ka khlam COVID-19 ka sokar kadei ban pyllait ia u dewiong uba don haka District.