EJHDFA: Jop ka Jalyiah buh jaka haka semifinal ka Second Div, jam ka Third Div sha ka quarterfinal

Syllad | The Rising MeghalayaSeptember 12, 2023

Ka Jalyiah ka dei ka kynhun kaba saw ban buh jaka haka kyrdan jong ka semifinal haka Second Division Tournament jong ka East Jaintia Hills District Football Association (EJHDFA), katba ka Third Division kala jam noh sha ka jingialehkai quarterfinal hadien bala kut noh wat kaba ar ne Round 16 haka sngi Nyngkong ha madan artificial turf ha Diengshynrum.

Ka Jalyiah nalor ba kala rung sha ka semifinal, haka aiom ka ban wan kan ialehkai haka kyrdan First Division ka EJHDFA. Kiwei pat kiba la buh jaka haka semifinal ki dei ka Pamrakmai, Iatyllilang Hingaria bad ka Diengshynrum. Ka jingialehkai semifinal kan long haka 16 tarik Nailur haka por 12 baje bad 2 baje nohphaisngi.

Ka Jalyiah haka jingialehkai quarterfinal haka sngi nyngkong kala jop da ka tie breaker da 4-1 pyrshah iaka Ladrymbai Dongwah. Haka por kaba la buh ka jingialekai kala iakhaid mar 1-1.

Ka kol ka Jalyiah Utd kala wan lyngba u Sankhlur Phawa 14’, katba na kaliang ka Ladrymbai Dongwah la thep da u Promi Tariang 69’.

Haba phai sha ka jingialehkai Third Division, ka Pynthorsale SC bad ka Rymbai Madanpynriang ki la buh jaka ïalade shaka jingiakhun Quarterfinal. Kiwei ki kynhun kiba la buh jaka haka quarterfinal ki long ka Moosiang Lamare Old, Lakadong Ummat, Tuber Shohshrieh, Moosiang Lamare New, Khliehmyntriang bad Lummyrli.

Ka Pynthorsale kala jop da 2-1 iaka Mutong Youth SC. Kine ki ar kol ka Pynthorsale la thep da u Kyrmen Dkhar 17’ bad u Amos Phawa 42’. Shikol ka Mutong Youth SC la thep da u Seven Phawa 11’.

Katba Rymbai Madanpynriang SC ka la pynliem da 6-1 iaka Umrasong SC. U Donaldo Dkhar ula khyrwit da ka hattrick lyngba ki kol kiba ula thep 4’, 32’, 65’, u Rimiki Rymbai 8’, 75’ bad u Baniengskhem Thoo 70’. Shikol jong ka Umrasong SC la thep da u Jan Mukhim 37’.

Ka jingialehkai quarterfinal kan long haka 14 bad 15 tarik u Nailur.