EJHDFA: Jop ka Umtyra, Khliehriat East haka 3rd Div Football Tournament

Syllad | The Rising MeghalayaSeptember 6, 2024

Ka kynhun ialehkai ka Umtyra YWSC bad Khliehriat East YWSC kila khur jingjop haka jingialehkai football 3rd Division Football Tournament kaba pyniaid da ka East Jaintia Hills District Football Association (EJHDFA) kaba long ha madan artificial turf ha Diengshynrum ha ka 6 tarik Nailur.

Ka namjop ka Umtyra kala wan pyrshah iaka Iapmala Wahshnong Sc da 1-0. Ia kane ka kol la thep da u Winison Chyrmang (76).

Kawei pat ka jingialehkai, ka Khliehriat East kala jop haduh 8-0 pyrshah iaka Moopala Sc. Ha kane ka jingiakhun ka Moopala kala shah nion ha baroh kiliang ha kane ka jingiakhun kaba la pynlong iaki nongialehkai jong ka ban duh lyer bad hap ban pdiang iaka namrem kaba bunkol.

Ia kine ki 8 kol la thep da u Firsterwell Dkhar (9, 29, 41, 61), Pyrshang Sutnga (24, 36), Nehlang Bareh (31) bad Ijuh Sympli (56).

Haka jingiakhun kaba khatduh hapdeng ka Umrasong SCC pyrshah iaka Nongthymme SC kala jingialehkai kala kut da kaba iakhaid mar 1-1. Ka Nongthymme kala ioh pynkhih shuwa iaka jar lyngba u Mewanjop Muksor (2), hynrei ka Umrasong haka kyllamiet kala ioh iaka kabu ksiar ban kylla iaka jingialehkai sha kaba iakhaid lyngba u Pormi Bareh (63).