EJHDFA: Jop ka Wahiajer Narpuh bad ka Para I haka Veteran Football Tournament, 28 tarik final First Div

Syllad | The Rising MeghalayaOctober 27, 2023

Ka Wahiajer Narpuh bad ka Para I SC ki la khur jingjop haka lympung ialehkai 1st Open to All Veteran Football Tournament ba la pyniaid da ka East Jaintia Hills District Football Association ha madan artificial turf ha Diengshynrum, Khliehriat haka sngi Palei.

Haka jingiakhun kaba nyngkong ka Wahiajer Narpuh ka la pynliem da 1-0 iaka Diengshynrum SC. Ia kane ka shikol jong ka Wahiajer la thep da u Banjop Suting 18′.

Haka jingiakhun kaba bud ka Para I SC ka la pynliem da 6-1 iaka Sutnga.

Iaki kol jong ka Para i SC la thep da u Socialborn Kurbah 11′, 43′, u Sooki Lamare 28′, 4′, 54′ & 56′. Shikol jong ka Sutnga la thep da u Riewehkupar Sutnga 49′.

Shuh shuh ka final jong ka First Division Football Tournament kan long mynta ka sngi 28 tarik Risaw hadpeng ka Chiehruphi SYWSC pyrshah iaka Ladrymbai B SC. Kane ka jingiakhun kan long haka por 1 baje nohphaisngi.