EJHDFA: Rung final sa ka Ladrymbai B haka First Div, sdang sa ka Vetaran Football

Syllad | The Rising MeghalayaOctober 24, 2023

Ka Ladrymbai B SC kala lah haka ban bun jaka ialade haka kyrdan jong ka final hadien ba kala jop da ka tie breaker iaka Tpepswer SSWO haka First Division Football Tournament kaba pynïaid da ka East Jaintia Hills District Football Association (EJHDFA) kaba long ha Diengshynrum haka sngi ba Ar.

Ka jingïalehkai haka por kaba la buh ka la kut noh kam shym la don mano mano ba ioh pynkhih jar. Wat hadien bala rah noh sha ka extra time hangne ruh ym don satia mano mano ba ioh pynkhih jar.

Ban rai iaka rem ka jop kine ki arliang mamla la rah iaka jingiakhun sha ka tie breaker bad ha kaba ka Ladrymbai B kala jop da 4-3 iaka Tpepswer. Kane ka namjop ka Ladrymbai kala rung ruh sha ka kyrdan Super Division haka aiom ialehkai ban wan.

Nalor kata ka Ladrymbai B SC kan aireng pyrshah iaka Chiehruphi SYWSC haka final ban iaknieh iaka nam lahduh.

Shu shuh ha kawei pat ka khubor ka EJHDFA kala pyntip ba 1st Open to All Veteran FootballTournament kan sdang lashai ka sngi 25 tarik Risaw ha madan Diengshynrum, Khliehriat.

Lashai ka sngi sdang ka jingiakhun kan long hapdeng ka Old Star Football Team pyrshah iaka 12-Dolloi Football Team haka por 11.00 baje mynstep. Ka Ar Dolloi Football Team pyrshah iaka EJTOTA Football Team haka por 1.00 baje nohphai sngi.