EJHDFA: Rung ka Ratacherra bad ka Bataw haka wat ba ar ka Third Div

Syllad | The Rising MeghalayaAugust 25, 2023

Ka Ratacherra CSC bad ka Bataw FC haka sngi Thohdieng kila lah ha kaban pynthikna ialade ban rung sha ka wat kaba jong ka Third Division Football kaba pyniaid da ka East Jaintia Hills District Football Association (EJHDFA) kaba long ha madan artificial turf ha Diengshynrum, Khliehriat.

Haba phai sha ka jingialehkai, ka Ratacherra kala jop 2-1 iaka Wapung Shnong. Ia kine ki ar kol ka Ratacherra la thep da u Sumer Nongrum 7′ bad u Shining Star Myrmen 15′. shikol ka Wapung Shnong la thep da u Helpme Dkhar 54′.

Ka Bataw kala jop da 3-0 iaka Nonghthymme. U Dameshuwa Byrloi marwei ula thep ar kol 23′, 59′ bad shikol na u Benison Suchiang 19 kaba la biang pura iaka Bataw ban khur iaka namjop.

Shuwa kine ki ar tylli ki jingialehkai, ka Mulieh Youth SSC kala jop da 2-1 iaka Umlong Utd. U Hamedahun Lamurong 54′, 67′ ula thep ia kine ki ar kol ka Mulieh, katba u Sikel Nyalang 31′ ula thep iaka kol ka Umlong.