EJHDFA Under 16 Football: Jop ka Moolamanoh, Golden Lion, Wahiajer bad ka Dkhiah East

Syllad | The Rising MeghalayaSeptember 5, 2023

Ka Molamanoh SC, Golden Lion FC, Wahiajer Narpuh SSC bad Dkhiah East SC ki la khur jingjop haka lympung ialehkai Under-16 Football Tournament kaba pynniaid da ka East Jaintia Hills District Football Asspciation (EJHDFA) ha madan artificial turf kaba long haka sngi Nyngkong.

Ka Molamanoh SC ka la pynliem da 2-0 iaka Lad Dongwah SC. Ia kine ki kol la thep da u Chanki Dkhar haka minit kaba 21′ bad 30′.

Haka jingiakhun kaba bud ka Golden Lion FC ka la jop da 1-0 iaka Ehrang FC. Ia kane ka kol la thep da u Esbunme Rymbai 10′.

Ka kol kaba la thep da u Mebanker Sumer 28′ bad u Rechard Nongpluh 52′ & 69′ kala biang pura iaka Wahiajer Narpuh ban pynliem da 3-0 iaka Nongthymme FC.

Haka jingiakhun kaba khatduh jong kane ka sngi ka Dkhiat East SC ka la jop da 1-0 iaka Madan Pariang SC. Ia kane ka shikol la thep da u Iowankidame Nongtdu 42′.